Европската комисија бара проширувањето да остане приоритет на ЕУ
Европската комисија денеска ги презентираше своите препораки за тоа кои треба да бидат приоритетите на следниот состав на европската извршна власт, оценувајќи дека проширувањето кон Западниот Балкан не треба да се запостави, јави дописничката на МИА од Брисел.
Во пресрет на средбата на 27-те земји членки на ЕУ во романскиот град Сибиу на 9 мај, Европската комисија ги објави своите препораки за политиките кои смета дека треба да бидат приоритет за ЕУ со оглед на сѐ поголемата глобална неизвесност.
– Должност на секоја генерација е да ја смени судбината на Европејците на подобро, за да го исполниме нашето ветување за мир, напред и просперитет, изјави претседателот на Еврокомисијата, Жан-Клод Јункер,.
Документот насловен „Придонесот на Европската Комисија за стратешката агенда на ЕУ 2019-2024“ ги набројува клучните домени во кои Комисијата смета дека идниот состав треба да започне или да продолжи со работа, како и начинот на кој треба да се комуницира за Европската Унија со европските граѓани.
Иако од вкупно 82 страници, само неколку редови му се посветени проширувањето, тоа не изостана од овој стратешки документ, во кој Комисијата потсетува дека Европската Унија мора да ја зајакне својата положба во светот за да може да ги гарантира своите вредности, безбедност и просперитет.
Европската Унија треба да биде водечка сила во светот преку залагање за мултилатерален систем базиран на правила и да ги промовира своите темелни вредности – човековите права, владеењето на правото, одржливиот развој и почитување на меѓународното хуманитарно право.
Ново на Сител
-
Љупчо Палевски Палчо екстрадиран од Турција и сместен директно во Истражниот затвор во Шуто Оризари
-
Тема на денот со Горан Илијевски - Партија на Македонците во Србија
-
Атентат врз словачкиот премиер
-
Флекс кредит и СОС Детско Село заедно за Денот на семејството
-
Предизборниот и постизборниот период продуцира економска криза, сметаат економистите
-
Со нож и се заканија на претседателката на Уставен Кацарска
-
Запален службениот автомобил на директорот на Идризово- оштетена и блиската зграда
-
Уставен го одби барањето на судиите да го врати коефициентот за повисоки плати