Евроамбасадорот Дејвид Гир во посета на Шуто Оризари
Евроамбасадорот Дејвид Гир денеска ќе ја посети општина Шуто Оризари. Станува збор за деветта во низата општински посети по отворањето на пристапните преговори на ЕУ со Северна Македонија во јули 2022 година.
Целта на посетите е да се презентираат новите чекори во процесот на преговори за пристапување во Европската унија и нивното влијание врз секојдневниот живот на граѓаните, соопшти Делегацијата на ЕУ во Скопје.
За време на престојот во Шуто Оризари, амбасадорот Гир ќе се сретне со градоначалникот Курто Дудуш, со членовите на општинскиот Совет и со претставници на граѓанските организации. Тој, исто така, ќе посети една од куќите реновирани во рамките на проектот финансиран од ЕУ „Зајакнување на одржливиот урбан развој на ромските населби“.
Амбасадорот Гир ќе учествува и на кафе-дебата со граѓаните на која ќе одговора на прашања поврзани со европскиот пат на Северна Македонија.
Ново на Сител
-
М. Брод добива Дневен центар за деца со посебни потреби, општината е на прво место по бројот на згрижувачки семејства
-
Земјоделците ја поздравуваат кампањата за купување македонски земјоделски производи
-
Тема на денот со Герард Кестел, Меѓународниот институт за социјални студии во Холандија
-
Средба Николоски-Караџов: Брзо да се финализира договорот за изградба на железнички тунел
-
Кочовска: До овој момент нема понуда за пругата од Коридорот 10
-
Лидерска средба ЕУ – Западен Балкан во Скопје, аналитичарите не очекуваат исчекор во македонските евроинтеграции
-
Филипче во Берлин ќе лобира против „современ“ македонски јазик
-
ЗНАМ до средината јули ќе ги објави кандидатите за градоначалници