ЕУРО 2017 (жени): Данска и Холандија во финале

Фудбалските репрезентациите на Холандија и на Данска ќе играат во финалето на Европското првенство за жени што се одржува во Холандија. Досега овие две репрезентации немаат играно во финале на Европско првенство.

 

Холандија во полуфиналето ја победи Англија со 3:0, додека Данска беше подобра од Австрија по изведувањето на пеналите (3:0) откако дуелот заврши без голови 0:0.

 

Германија со осум титули е најуспешната селекција, а двапати европски првак била Норвешка и еднаш Шведска. Селекцијата на Данска досега во два наврати била третопласирана, а за Холандија ова беше второ полуфинале.

 

Финалниот натпревар ќе се одигра на 6.август во недела.