Свет
1. March 2021 - 18:47

ЕУ воведува санкции против четворица високи руски претставници поради Навални

Земјите членки на ЕУ се согласија денеска за воведување санкции против четворица високи руски претставници вмешани во правните постапки против опозицискиот лидер Алексеј Навални.

Санкциите подразбираат забрана за издавање визи и замрзнување на имотот на овие претставници во ЕУ, се наведува во соопштението по состанокот на амбасадорите на земјите од Унијата.

Според извори блиски на ЕУ, санкциите се однесуваат на директорот на казнено-поправната служба Александар Калашњиков, претставникот на рускиот Истражен одбор Александар Бастрикин, државниот обвинител Игор Краснов и шефот на руската Национална гарда Виктор Золотов.

Нивните имиња ќе бидат објавени утре во Служениот весник на ЕУ.

Рускиот заменик министер за надворешни работи Александар Грушко изјави дека Русија ќе „одговори“ на санкциите на ЕУ.

ЕУ кон половината на октомври воведе санкции против шест руски функционери по труењето на Навални, кој е уапсен на 17 јануари веднаш по пристигнувањето во Русија.