ЕУ: Сојот Омикрон ќе биде доминантен до средината на јануари

Сојот Омикрон на коронавирусот се очекува да стане доминантна варијанта во Европска Унија до средината на јануари, изјави претседателката на Европската комисија, Урсула фон дер Лајен.

Таа додаде дека Унијата е подготвена да се бори со тој сој со 66 отсто од вакцинираното население и оти е убедена дека ЕУ има сила и средства да ја надмине пандемијата.

Таа истакна  дека ЕК почнува онлајн информативни кампањи за да ги убеди луѓето да се вакцинираат.

Според неа само 44 отсто од вкупното население ширум светот се вакцинирани.