ЕУ повторно со порака до Вучиќ за воведување санкции против Русија
Српскиот претседател Александар Вучиќ денеска разговараше со шефот на Делегацијата на Европската унија во Белград, Емануел Жофре, кој ја повтори „преовладувачката позиција на Брисел за воведувањето санкции против Русија”, јави дописникот на МИА од Белград.
– Амбасадорот Жофре го повтори преовладувачкиот став на Брисел кога станува збор за усогласување на надворешната политика на Србија со агендата на ЕУ и воведувањето санкции против Руската Федерација и изрази подготвеност да соработува со нашата земја во однос на решавање на отворените прашања, кои се од клучна важност за натамошниот напредок на Србија на патот кон евроинтеграциите, се наведува во соопштението од кабинетот на Вучиќ.
Вучиќ на средбата посочил дека Србија „посветено работи на реализација на цели кои се во согласност со нејзината европска ориентација, како што се силниот економски напредок и зачувувањето на мирот и стабилноста во регионот преку иницијативи за поврзување, со што покажа дека е сериозен, одговорен и доверлив партнер на Унијата”.
Соговорниците размениле мислења и за претстојниот Самит во Прага за иницијативата за формирање Европска политичка заедница како платформа за дијалог меѓу членките на ЕУ и земјите аспиранти за членство.
Вучиќ ја повторил својата благодарност до Европската комисија за поддршката во изградбата на енергетската инфраструктура, која е исклучително важна за Србија, додавајќи дека Србија е максимално ангажирана во проекти за диверзификација на изворите на енергија и рутите за снабдување.
Вучиќ и Жофре разговарале и за усогласување на визната политика со ЕУ за борба против илегалната миграција, како и за соработка на големи инфраструктурни проекти, соопштија од Кабинетот на српскиот претседател за соработка со медиумите.
Ново на Сител
-
Тешко повреден пешак во сообраќајка во Скопје
-
Во Хрватска падна снег | ВИДЕО
-
Пожар на грчкиот остров Крит во близина на поморската база Суда, превентивно евакуирани населба, болница и училиште
-
Првите шест авиони „Рафал“ во Хрватска пристигнуваат оваа недела
-
Швајцарија замрзна руски имот во вредност од 5,8 милијарди франци
-
Венеција почнува да наплаќа влезници
-
ДИК објави упатство за гласање на претседателските избори
-
Избирачкиот список намален за 10 000 гласачи