ЕУ апелира до Белград и Приштина да покажат воздржаност и разум
Високиот претставник за надворешна политика и безбедност на Европската унија, Федерика Могерини доцна синоќа ги повика Србија и Косово да манифестираат целосна воздржаност и разум, по најновото зголемување на тензиите предизвикани по вчерашното неуспешно патување на првиот воз од Белград до Косовска Митровица по цели 18 години.
Портпаролот на Могерини, Маја Коцијанчиќ, нагласи дека ЕУ внимателно го следи развојот на односите меѓу Белград и Приштина во последниве неколку дена, а особено вчерашните случувања со возот.
- ЕУ е во постојан контакт со двете страни по повод вчерашните случувања. Вискоката претставничка веќе разговараше со српскиот премиер Александар Вучиќ, изјави Коцијанчиќ за Танјуг.
Таа ги повика Белград и Приштина „да се вратат на дијалогот“, кој според неа, покажал „опипливи, кокретни и позитивни резултати“, како за граѓаните, така и во напредокот кон нормализација на односите меѓу двете страни.
- Дијалогот е единствен начин за решавање на отворените прашање од заеднички интерес, потенцира Коцијанчиќ.
Вчера, воз, украсен со христијански и српски национални симболи, прв пат по 1999 година се упати на релација од Белград кон Косовска Миторвица, но по неколкучасовно чекање на станицата во Рашка, се врати во српскиот главен град, неуспевајќи да влезе на косовска територија.
Одлуката за враќање на возот, српските власти ја образложија со „безбедносни причини“.
Властите во Приштина остро го осудија поаѓањето на возот од Белград, оценувајќи го ваквиот потег како отворена провокација, а претседателот на Косово, Хашим Тачи дури јавно повика да не му се дозволи влез на косовска територија.
Српскиот премиер Вучиќ од своја страна синоќа ги обвини властите во Приштина дека „подготвуваат воени игри“ и дека планирале „да го запрат возот и да започнат големи судири“.
Ново на Сител
-
Следува период на многу топло време, температурата до 40 степени
-
Грчката фрегата во Аденскиот залив интервенирала и соборила дронови
-
Русија тврди дека уништила два лансири за ракети „Патриот“ во регионот на Одеса
-
Околу 50 лица се удавија, од кои седум деца, во руските реки, езера и мориња во последните 24 часа
-
Денеска е Светски ден на чоколадото
-
Обилните дождови предизвикаа свлечиште во Непал, загинаа најмалку 14 лица, девет се водат за исчезнати
-
Владина делегација на Самитот на НАТО во Вашингтон - јакнење на билатералните односи со САД и афирмирање на земјава како стабилен партнер
-
Симовски: Имаше јаки притисоци на Бугарија пред пописот во Албанија