Ердоган до Трамп: Ќе бидат спасени повеќе животи кога ќе го победиме тероризмот

Претседателот на Турција Реџеп Таип Ердоган во одговор до американскиот претседател Доналд Трамп рече дека ќе бидат спасени уште повеќе животи кога ќе се победи тероризмот, јави агенцијата Анадолија.

– Господине претседателе, ќе бидат спасени повеќе животи кога ќе го победиме тероризмот, најголемиот непријател на човештвото. Сигурен сум дека нашите заеднички напори ќе придонесат кон мирот и стабилноста во нашиот регион- напиша Ердоган на Твитер, додавајќи дека напорите кои ги преземаат САД и Турција ќе придонесат за мирот во регионот.

Како што потсетува Анадолија, Трамп претходно на Твитер напиша: „Имаме убави вести од Турција, ќе бидат спасени милиони животи”.