EП: Да се отворат пристапните преговори со Северна Македонија и Албанија
Пратениците на Надворешно – политичкиот одбор на Европскиот парламент (АФЕТ) ги повикаа земјите членки на Европската Унија оваа година да ги започнат пристапните преговори со Северна Македонија и Албанија.
-И Албанија и Северна Македонија ги завршија нивните домашни задачи, неопходни за отпочнување на пристапните преговори, е пораката на делегацијата на Надворешно – политичкиот одбор на Европскиот парламент.
Во соoпштението на ЕП се наведува дека 2019 година е клучна за Северна Македонија и Албанија, поради фактот дека земјите – членки во јуни ќе одлучуваат за подготвеноста на тие земји за отворање на пристапните преговори.
-Северна Македонија и Албанија ги направија значајните реформи под тешки околности и сега е клучно членките на ЕУ врз основа на тие достигнувања да го признаат направениот напредок и да одлучат да ги започнат пристапните преговори оваа година, се наведува во соопштението.
Делегација на Надворешно – политичкиот одбор на Европскиот парламент која од 27 февруари до 1 март престојуваше во Тирана и во Скопје ги повика двете земји да го задржат фокусот на реформите во областа на правосудството, економијата, владењето на правото и јавната администрација.
Пратеникот Туне Келем, кој ја предводеше оваа делегација истовремено предупреди дека и покрај покажаната одлучност во спроведувањето на реформите постои недостиг од национално единство, што може да го наруши процесот на ЕУ-интеграциите на Северна Македонија и Албанија.
Ново на Сител
-
Ненад Димитријевиќ прогласен за МВП во ВТБ лигата
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар