ЕМА потврди дека има поврзаност помеѓу вакцината на „АстраЗенека“ и згрутчувањето на крвта
Европската агенција за лекови, ЕМА, потврди дека постои поврзаност помеѓу вакцината на Астра Зенека и згрутчувањето на крвта, јави дописничката на МИА од Брисел.
ЕМА меѓутоа смета дека оваа последица е многу ретка и бенефитите и натаму се поголеми од ризиците. За експертите од Агенцијата мора да продолжи вакцинацијата со сите расположливи вакцини затоа што тие спречуваат тешка форма на болеста и хоспитализација.
Агенцијата ќе ги информира сите здравствени работници како да ги детектираат знаците на згрутчување на крвта кај пациентите, а предупредувањата во упатството за АстраЗенека ќе бидат актуализирани и ќе го содржат згрутчувањето на крвта како можна последица од оваа вакцина.
-По продлабочена студија комитетот за фармаковигилентност на ЕМА заклучи дека невообичаено згрутчување на крвта по вакцинирањето со АстраЗенека треба да биде вклучено како можен нус ефект, изјави Имер Кук, претседателка на Европската агенција за лекови.
За сега начинот на кој се случува оваа реакција не е јасен, една од можните причини е дека се случува имунолошка реакција слична на таа што се случува кај пациенти третирани со хепарин.
Ризикот од тромбоза по АстраЗенека може да се случи до две недели по вакцинирањето, а можни знаци се краток здив, тешкотии со дишење, болка во вратот, главоболка и заматен вид, меѓу другото.
Ново на Сител
-
БиХ: Жена со Ковид-19 загина во пожар во ковид-центар
-
Принц Едвард: Смртта на принцот Филип остави голема празнина во животот на британската кралица
-
Првиот контингент американски војници за вежбата „Дифендер 21“ пристигна во Тирана
-
Полицискиот час во Албанија од утре се намалува за два часа
-
Села: Некој не зел плата два месеци, а граѓаните без државјанство не зеле 30 години
-
„Гардијан“: Најголемото жариште на бразилски сој П1 е во Канада
-
Во Франција утре почнува вакцинација за сите над 55-годишна возраст
-
Четири пожари во Кавадаречко, пожарникарите апелираат да се внимава кога се гори отпад крај нивите