Експлозии низ Бејрут во текот на ноќта, напаѓани финансиерите на Хезболах
Бејрут ноќеска беше потресен од експлозии веднаш откако Израел се закани со „непосредни напади“ на локации поврзани со финансирањето на Хезболах.
Израелските одбранбени сили (ИД) синоќа објавија дека планираат да нападнат „голем број“ локации. Повеќето од нападите беа насочени кон филијали на Ал-Кард Ал-Хасан, банка без лиценца која се смета за еден од главните извори на готовина на Хезболах.
Експлозиите најпрво се слушнаа во јужниот дел на главниот град и долината Бека, но висок израелски разузнавач нагласи дека цели биле погодени „ширум Либан“. Еден од нападите беше извршен во близина на меѓународниот аеродром Рафик Ал Харири.
Се појавија снимки на кои се гледа уривање на зграда погодена од Израелците. Споменатата зграда беше прогласена за цел само неколку часа претходно.
Портпаролот на ИД Даниел Хагари ги предупреди цивилите: „Секој што е во близина на места кои се користат за финансирање на терористичките активности на Хезболах мора веднаш да си замине“.
Вечерашниот напад се случи откако Израелците вчера објавија дека ја нападнале разузнавачката служба на Хезболах во Бејрут.
„ИАФ (Израелските воздухопловни сили) извршија напад врз командниот центар на разузнавачкиот штаб на Хезболах и подземната работилница за оружје во Бејрут“, се наведува во соопштението.
Како одговор на овие напади, израелската армија соопшти дека вчера беа истрелани 160 ракети преку либанската граница кон северен Израел.
Тензиите меѓу израелската армија и Хезболах се зголемија откако Хамас го нападна Израел на 7 октомври минатата година.
Ново на Сител
-
УЈП: Последен ден за поднесување на ДДВ - 04 пријавите, динамиката забавена
-
Вонредни контроли на скопски „бувљак“, уништени околу 100 килограми небезбеднa храна
-
Евакуиран аеродромот во Сараево, откажани сите летови
-
Автомобил прегази 77-годишна жена во кумановско, која починала во болница
-
Путин: Русија е подготвена на разумни компромиси за решавање на украинското прашање, но нема суштински преговори
-
Кривична пријава поради несовесно работење во службата
-
Скопје и Охрид добиваат шест нови авионски дестинации во 2025 година
-
Продолжува периодот на свежи утра, а преку ден сончево и топло