Експерт: Крај на пандемијата во јуни ако сите земји преземат мерки
Пандемијата на Ковид-19 ќе биде под контрола во јуни доколку сите погодени земји сериозно спроведат рестриктивни мерки за контрола на државно ниво, изјави Џунг Наншан, познат кинески експерт за респираторен систем и шеф на стручната група за борба против коронавирусот.
Тој предупреди дека многу земји се уште не преземаат сериозни мерки и повика на јакнење на меѓународната комуникација за новиот коронавирус при глобалното ширење, објави Меѓународното кинеско радио (ЦРИ).
– Коронавирусот летен период е помалку активен кога температурата е релативно висока, истакна Џунг.
Меѓутоа, според него, крајот на пандемијата на Ковид-19 зависи од мерките кои ги презема секоја земја.
– Ако повеќето погодени земји сериозно преземат мерки, верувам дека епидемијата ќе заврши до крајот на јуни, нагласи кинескиот експерт.
Светската здравствена организација во средата најави дека заразата со коронавирусот прераснала во пандемија.
– Тоа е највисоко ниво на предупредување, нагласи Џунг.
Тој ги повика сите земји да преземат мерки на државно ниво за превенција и контрола на коронавирусот.
– Имајќи ја предвид силната инфективност на вирусот, неопходна е интервенција на државно ниво, додаде Џунг.
Досега во светот се потврдени 145.853 случаи на заразени со Ковид-19, починати се 5.438, а оздравени 72.550 лица.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање