ЕК: Земјите на балканската рута да работат на сместување на бегалците
Европската комисија (ЕК) ги повика денеска земјите по должина на балканската рута на мигранти и бегалци кои одат кон Европа, да направат повеќе во обезбедување засолниште за луѓето кои бегаат од судири или сиромаштија, и „итно да го забрзаат обезбедувањето приемни капацитети“.
ЕК, во денеска објавениот извештај, наведува дека во моментот се расположливи или се подготвуваат само околу половина од 50.000 места, колку што лидерите на балканските земји ветија минатата година дека ќе обезбедат за сместување на луѓето од мигрантската рута.
Во извештајот се оценува дека балканските земји „сега мора итно да го забрзаат обезбедувањето приемни капацитети“.
Во тој документ се забележува и дека одговорот на Грција на бегалската криза и натаму е бавен, и оти земјата не испраќа назад доволен број мигранти кои не можат да се квалификуваат за добивање азил.
ЕК наведува дека распоредувањето специјалистички тимови, познати под називот „хотспот“, за регистрирање мигранти и земање отпечатоци од прсти, делумно е попречено кога станува збор за персоналот и инфраструктурата.
- Во моментов само еден хотспот во целост е оперативен, се оценува во извештајот.
Во истиот документ се наведува дека речиси 20.000 мигранти се депортирани од почетокот на минатата година, „но оти тоа е недоволно со оглед на тоа дека над 800.000 од нив пристигнале во 2015 година“.
Ново на Сител
-
Забраната за пиротехника во затворени простори утре пред пратениците
-
ДУИ: Зошто владата ја крие вистината за врските на агенцијата за обезбедување „Рубикон“
-
Кај шест пациенти во „Св. Наум Охридски“ е извршена трансплантација на кожа
-
СДСМ обвинува за нови сканадали во Министерството за дигитална трансформација
-
Македонија е атрактивна дестинација за нуркачите од светот
-
За прв пат од постоењето ќе се гради асфалтен пат до ски терените во Крушево
-
Преглед на вестите од светот
-
Тема на денот со Васко Наумовски