-->
-->
ЕК одобри нови 17 милиони евра помош за Македонија и Србија
-->
Колеџот на комесари на Европската комисија денеска усвои нов пакет за помош на земјите од процесот на проширувањето што се загрозени од напливот на бегалци и емигранти. Притоа, како што јавува дописникот на МИА од Брисел, за Македонија и Србија се определени дополнителни 17 милиони евра помош.
Откако пред почетокот на денешниот состанок, еврокомесарот за преговори за проширување Јоханес Хан порача дека Европската унија и натаму ќе им помага на Македонија и на Србија, кои според него се жртви на ситуацијата со бегалците и емигрантите, заедно со своите колеги еврокомесари, тие одлучија на двете балкански земји да им дадат дополнителни 17 милиони евра за помош во справувањето со проблемот со бегалците. Претходно, преку Инструментот за предпристапна помош (ИПА), ЕУ најави дека за Македонија ќе се релоцираат 24 милиони евра, а за Србија околу 50 милиони евра со цел справување со бегалската криза.
Како за споредба, поради тоа што се справува со речиси два милиони бегалци, за истата оваа намена, ЕК денеска одобри една милијарда евра помош за Република Турција.
- Ние и понатаму ќе им помагаме на земјите како БЈР Македонија и Србија. Бев во првата земја минатиот викенд, а во петок ќе патувам во Србија, за заедно со премиерот да ги посетам бегалските кампови и да добијам личен впечаток за ситуацијата. Но и тука Европската унија е подготвена да помогне со цел да се справивме со овие предизвици, бидејќи, што е важно да се напомене, ова не е проблем на земјите од Западен Балкан. Тие, исто така се жртви на ситуацијата и затоа ние мораме да им помогнеме, истакна комесарот Хан.
Во однос на “жешките точки” предвидени за прием и регистрација на бегалците, Хан рече дека ќе се постават во Грција и Италија, но и не и кај земјите од Западен Балкан кои, како што потврди - се жртви на бегалската криза.
-->
-->
-->
Ново на Сител
-
76-годишна прилепчанка измамена за 380.000 денари - ја убедиле дека внука ѝ ќе оди во затвор
-
Оштетен автомобилот на скопјанка по тепачка со жена на Бит Пазар
-
Скопјанец нападнат од својот малолетен внук
-
Зеленски: Украина стори се што беше можно да ги отвори преговорите со ЕУ во јуни
-
СЗО: Медицинска помош не е влезена во Газа од израелското заземање на преминот Рафа, на 6 мај
-
Словачкото обвинителство побара притвор за напаѓачот на премиерот Фицо, судот за тоа ќе одлучува утре
-
УЈП ги потсетува граѓаните да ги проверат своите годишни даночни пријави за 2023
-
Тешко повредено едно лице откако српско возило излетало од автопатот Неготино - Демир Капија