ЕК: Не го сменивме ставот за Каталонија по најавата на Рахој
Европската комисија соопшти денеска дека не го сменила ставот за Каталонија откако шпанскиот премиер Мариано Рахој изјави дека ќе ги активира посебните уставни овластувања, со цел да се распушти регионалната влада и да се распишат вонредни избори.
- Нашиот став е добро познат. Секогаш зборувавме дека го почитуваме уставното и правното уредување на Шпанија, истакна портпарол на ЕК.
Според него, преземените мерки „треба да се согледаат токму во тој уставен контекст“.
Претходно денеска, портпаролот на каталонското Министерство за надворешни работи, Раул Ромева нагласи дека „довербата кон ЕУ ќе се намали доколку дозволи Мадрид да наложи директно управување со Каталонија“. Според него, единствено Каталонците имаат право да ги сменат регионалните институции.
Шпанскиот премиер Мариано Рахој пред два дена изјави дека Владата донела одлука за преземање контрола врз каталонскиот Парламент и администрацијата, а на 27 октомври предлогот ќе биде ставен на гласање во парламентот во Мадрид.
Ново на Сител
-
Тема на денот со Лилјана Поповска
-
Гордана Силјановска Давкова положи заклетва во Парламентот и ја презеде функцијата претседател
-
Гордана Силјановска Давкова положи заклетва во Парламентот и ја презеде функцијата претседател
-
Ни Северна, ниту Република: Силјановска се заколна во Македонија - стигнаа реакциите
-
Борисов: Мицкоски ми е добар пријател, го повикувам да престане да зборува, изборите поминаа
-
Дали градинките не треба да примаат родители на завршните приредби поради голема кашлица?
-
Македонските водичи бараат поголеми контроли од инспекторите
-
Националната мрежа на земјоделци бара системски решенија за македонскиот аграр