Египет демантира дека планира отворање странски воени бази на своја територија

Египетските власти не планираат да отворат странски воени бази во земјата, изјави денеска портпаролот на претседателската канцеларија, Ала Јусеф.

Неговата изјава е дадена како одговор на тврдењата во руските медиуми дека меѓу Каиро и Москва се водат преговори за изнајмување на воени објекти, вклучувајќи ја и некогашната советска воена база во Сиди Барани, западно од градот Александрија и во близина на границата со Либија.

- Нема да дозволиме отворање на странски воени бази на египетското крајбрежје, нагласи Јусеф.