Едуар Филип доби мандат за составување нова влада на Франција
Францускиот премиер Едуар Филип денеска поднесе оставка на неговата Влада, по што претседателот Емануел Макрон веднаш му го додели мандатот за формирање нов владин кабинет.
Како што јави дописникот на МИА од Париз, оставката на Владата е формален чин, по неделните избори на кои блокот на партијата Републиката напред (ЛРМ) на Макрон и Демократското движење (МоДем) обебзеди апсолутно мнозинство во Националното собрание.
Портпарол на Владата претходно соопшти дека се очекува Филип да направи мали „технички“ промени во неговиот сегашен кабинет.
Сепак, извесно е дека во новата влада нема да се најдат министрите за територијален развој и за одбрана, Ришар Феран и Силви Гулар.
Според најавите, Феран по совет на претседателот Макрон ќе биде пратеник и шеф на пратеничката група на ЛРМ, со задача, како што беше објаснето, да ги „предводи младите и неискусни пратеници“ на партијата.
Сепак неговата смена од владата повеќе се оценува како казна на овај верен соработник на Макрон, откако беше поврзан во афера за недвижности непосредно пред парламентарните избори.
Гулар пак денеска поднесе оставка на функцијата министер за одбрана и побара да не биде член на новата влада.
Гулар се повлече за да покаже „добра волја“ во предистражната постапка против нејзината центристичка партија Модем за фиктивно ангажирање соработници во Европскиот парламент, кои всушност работеле за потребите на партијата.
Таа стана министерка за одбрана пред нешто повеќе од еден месец, по стапувањето на должност на новиот француски претседател.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка