Џорџ Клуни дел од фирма која се соочува со обвинувања за злоупотреба на детски труд
Како заштитно лице на познатиот бренд Неспресо, глумецот Џорџ Клуни заработи 31 милион фунти, но тој бренд сега се соочува со обвинувања за злоупотреба на детски труд.
Холивудскиот глумец, инаку, е посветен борец против злоупотребувањето деца на полињата. Тој, како што пишува „Дејли мејл“, бил тажен кога ги видел снимките од деца во Гватемала, кои работат на плантажите осум часа на ден, за помалку од пет фунти.
– Бев изненаден и тажен кога го погледнав документарецот. Јасно е дека оваа компанија има уште многу работа. И, таа работа мора да се сврши. Работев на поле со тутун на свои 12 години и прилично сум свесен за сложените прашања коишто се однесуваат на земјоделството и детскиот труд, изјави Клуни (58). Тој од 2006 година е заштитно лице, а 2013. се придружи на Советодавниот одбор за одржливост на компанијата Неспресо.
Претседателот и извршен директор, Гијом ле Кунф инсистира дека фирмата не толерира злоупотреба на детскиот труд и вети дека случајот ќе биде истражен.
Ова, инаку, не е првпат Неспресо да се соочува со обвинувања за присилна работа. Новинарско истражување спроведено во декември, откри дека кафето кое се произведува со присилна работа во Бразил, има сертификат и жиг „без ропства”, и се продава преку компанијата Неспресо, меѓу другите.
„Доста сме загрижени поради овие наводи и ги сфаќаме сериозно. Полагаме напори да го елиминираме детскиот труд и да ги заштитиме децата кои живеат во земјоделските околии”, соопштија тогаш од Неспресо.
Ново на Сител
-
Силјановска Давкова ќе се сретне со со евроамбасадорот Гир и италијанскиот амбасадор Силвестри
-
ЦУК: Забрана за движење кај стрелиштето „Леково“, пожари во Кавадарци и Велес
-
Путин во посета на Кина на 16 и 17 мај
-
Синдикатот на просветни работници во Србија в четврток ја прекинува работата во сите училиштата поради загрозена безбедност
-
Герапетритис: Бараме усогласување со Договорот од Преспа, не е прашање на самоопределување, туку почитување на договореното
-
Неексплодирана рачна бомба пронајдена на улица во Демир Капија
-
Четиринаесет жртви во бомбардирањето на станбена зграда во близина на бегалскиот камп Нусејрат
-
Казнет и протеран од Косово брачен пар од Русија кој беше уапсен поради нелегален влез од Србија