-->
-->
Џиновскиот питон: Уловена најголемата змија на светот!
-->
На едно градилиште во малезискиот град Паја Терубонг е фатен огромен питон кој веројатно ќе ја преземе титулата за најдолга змија некогаш уловена, пишува Guardian.
Станува збор за мрежест питон за кого иницијалните мерења покажале дека е долг околу 8 метри. Тој вид на питон живее на подрачјето на Југоисточна Азија и се смета за најдолга змија на светот.
Оваа змија работниците ја забележале во четвртокот и веднаш ги повикале надлежните служби да го фатат џиновскиот рептил. На самото место пристигнала Малезиската цивилна служба чии работници ја уловиле змијата откако половина час ја местеле замката.
Припадникот на оваа служба, Херме Херисјам, кој и го фотографирал уловениот питон, за Guardian ги открил неговите точни мерки:
"Долг е околу 8 метри и тежок 250 килограми", рекол Херисјам.
Доколку овие мерки се потврдат, оваа неименувана змија ќе влезе во Гинисовата книга на рекорди како најдолга на светот. Моментално таа чест ја има мрежестиот питон со име Медуза, кој е долг 7.67 метри и тежок 158,8 килограми, а се наоѓа во Канзас Сити. Пред Медуза таа титула ја имала змијата Флафи, долга 7,3 метри.
Иако приказните за џиновските змии долги повеќе од 10 метри кружат уште од времето кога човекот ги измислил мерните единици, засега ниедна таква не била уловена жива. Но, кој знае што крие Амазон и прашумите во Југоисточна Азија...
-->
-->
-->
Ново на Сител
-
ВМРО-ДПМНЕ на седници на Извршниот и Централниот комитет ги утврдува предлозите за министри од својата партија
-
Тема на денот со воениот аналитичар Милан Стефаноски
-
Наместо во подземни контејнери штипјани сметот го одлагаат врз нив
-
ВМРО-ДПМНЕ на седници на Извршниот и Централниот комитет ги утврдува предлозите за министри од својата партија
-
Силјановска Давкова: Војната во Украина не е украински, туку европски и светски проблем
-
Ново поскапување на лебот ако се зголеми цената на струјата
-
Дали само итни пациенти се снимале на Институтот за радиологија поради технички проблем во петокот?
-
Детектор: Интернетот и социјалните мрежи штетно влијаат врз децата