Џим Кери планира да ја заврши својата кариера
Холивудскиот глумец, комичар и двократен добитник на „Златен глобус“, Џим Кери има намера да ѝ стави крај на својата кариера, како што најави во интервју објавено на Јутјуб-страницата на порталот „Аксес“ (Access).
Канадскиот комичар Џејмс – Џим Кери на 17 јануари 2022 година наполни 60 години. А, за време на гостувањето по повод филмот „Соник: Супер еж 2“ (Sonic the Hedgehog 2), вчера изјави дека неговите намери да ја напушти филмската индустрија се „прилично сериозни“.
– Сѐ ќе зависи од ситуацијата. Направив доволно. Тоа е сѐ, рече тој.
Глумецот има околу 60 улоги во филмови, и ТВ-серии, од кои повеќето се комедии. За највпечатливи важат неговите ликови во трагикомедијата „Шоуто на Труман“ (1998) и мелодрамата „Сјајот на чистиот ум“ (2004), каде што немаше комични улоги.
Покрај двете награди „Златен глобус“, Џим Кери има освоено 11 филмски награди на „Ем-ти-ви“ (рекорден број за оваа награда) и француски Орден за уметност и литература (2010). Во 2014 година, Канадската поштенска корпорација издаде поштенска марка со слика на актерот.
Ново на Сител
-
Трамп: Ќе се случи нешто во Украина, работите ќе се средат
-
Андоновски: Имаме капацитет за спроведување дигитален попис, во 2026-та ако бидеме подготвени
-
Скопје денеска со третата највисока температура во Европа – 41,7°C
-
Орбан: Да бараме од нашите семејства да плаќаат 3,5 пати повеќе за гас? Тоа не е лидерство, туку економско самоубиство
-
Путин: Русија ќе ги намали воените трошоци и е отворена за преговори со Украина
-
Рекордни температури и пожари на Балканот, се очекува разладување за викендот
-
Вицепремиерот Николоски учествува на Форум за министри за транспорт во Истанбул
-
Сиљановска-Давкова ги прими припадничките на Армијата кои успешно ја завршија обуката во САД