Џејмс Коми повикан да сведочи пред Сенатот како граѓанин
Сега веќе поранешниот директор на Федералното истражно биро (ФБИ), Џејмс Коми, е повикан следната недела да сведочи пред Разузнавачкиот комитет на американскиот Сенат.
Претседавачот со Разузнавачкиот комитет на Сенатот, Ричард Бур и потпредседателот на ова тело, демократот Марк Ворнер, велат дека го повикале Коми следниот вторник да се појави пред комитетом, пренесе телевизијата Си-Ен-Би-Си.
Засега не е познато дали Коми ќе ја прифати поканата, а Ворнер денеска на Твитер напиша дека седницата ќе биде затворена за јавноста, и на новинарите им порача: "Се надевам дека ќе ја искористи оваа можност“.
Белата куќа се обидува да се оправда зошто токму сега го отпушти директорот на ФБИ, објаснувајќи дека тоа нема врска со тековната истрага за руското мешање во претседателските избори во САД во 2016 година, туку со начинот на кој се постапувало кон сознанијата за Хилари Клинтон, а кои беа обелоденети во текот на изборната кампања, наведува С--Ен-Би-Си.
Коми беше сменет во вторникот, а американскиот претседател Доналд Трамп не наведе детална причина за ваквата одлука, освен дека директорот „не ја врши добро својата работа“.
Ново на Сител
-
Зеленски: Украина е максимално конструктивна во разговорите во Саудиска Арабија
-
Имамоглу суспендиран од функцијата градоначалник на Истанбул
-
Куп на ЕХФ: Алкалоид ремизираше против Минаур Баја Маре
-
Со едночасовен молк во скопскиот Градски парк стотина млади оддадоа почит на загинатите во пожарот во Кочани
-
Во Ријад почнаа разговорите на делегациите на САД и Украина
-
Двајца осомничени, илегално пренесувале амфетамин од Скопје до Гевгелија
-
Во Белград се одржа првиот состанок на Движењето за народот и државата
-
Насилство на скопската обиколница, предложен притвор за осомничениот