Џастин и Бритни веројатно повторно заедно на сцена

Музичката и актерската ѕвезда, Џастин Тимберлејк изјави дека повторно би можел да соработува со неговата поранешна девојка, Бритни Спирс.

Набројувајќи со кои музичари би сакала да соработува, Бритни Спирс минатиот месец рече дека „Џастин Тимберлејк е многу добар“.

На прашањето да коментира за можна соработка со поранешната партнерка, Тимберлејк за телевизија Е! рече: „Апсолутно“.

- Достапен сум, повикајте ме, рече славниот американски пејач и актер.

Бритни Спирс и Џастин Тимберлејк беа во тригодишна врска до 2002 година, а во 90-тите години беа колеги во „Дизни“ во емисијата Клубот на  Мики Маус (Mickey mouse Club).