Џафери - Алтхаузер: Поддршка од Германија за македонските евроинтеграции
Пред новиот собраниски состав стојат многу важни задачи, а функцијата претседател на Собранието има клучна улога, порача амбасадорката на Сојузна Република Германија Кристине Алтхаузер на денешната средба со претседателот на Собранието на Република Македонија Талат Џафери.
Германија, рече амбасадорката, продолжува со континуираната поддршка на патот на Република Македонија кон евроатлантските интеграции. По одржувањето на германските парламентарни избори, се очекува и интензивирање на контактите меѓу пратениците на двете држави, на ниво на групи за соработка и работни тела.
Џафери се заблагодари за поддршката, ја информираше Алтхаузер за тековните собраниски активности и истакна дека активностите во следниот период ќе бидат фокусирани на подигнување на рејтингот на Собранието како вистински сервис на граѓаните и на отвореноста на институцијата.
На крајот на средбата, амбасадорката истакна дека и по завршувањето на нејзиниот мандат, ќе продолжи со голем интерес да ги следи случувањата во Република Македонија.
Ново на Сител
-
Изречени казни од над 350.000 евра за неправилности на плажи во Грција
-
Филков - Гир: Спроведувањето на реформската агенда приоритет на државата
-
Израелската војска ги повика Палестинците да се евакуираат од неколку населби на градот Газа
-
Перински: Јавниот повик за општините веднаш по ребалансот на Буџетот, на располагање ќе ги имаат првите 100 милиони евра
-
Оливер Зафировски назначен за директор на Клиниката за пулмологија и алергологија во Скопје
-
Езерската полиција спасила две малолетни лица во водите на Охридското Езеро
-
Дефинитивно денови за паметење – Народната и забавната музика ги разгореа жештините во Кратово | ФОТО
-
Три жени повредени во сообраќајка кај „Мавровка" | ФОТО