Две сообраќајки поради кучиња скитници на автопатот Скопје – Тетово – Гостивар
Материјална штета од околу 70 илјади денари се последиците од две сообраќајни несреќи со кучиња скитници што вчеравечер во временски период од половина час се случиле на две различни места на автопатот Скопје – Тетово – Гостивар што минува низ Тетовско, информираше Марјан Јосифовски, портпарол на СВР Тетово.
Првиот случај бил на автопатот Тетово - Скопје на нецел километар до наплатната станица Желино околу 21 часот и 30 минути. Тогаш товарно возило „Фиат“ со гостиварски таблички што го управувал гостиварецот М.П.(51) удрило и усмртило куче-скитник кое поради необезбедениот автопат неконтролирано се движело по коловозот. Од удирањето во животното нема повредени во возилото, а причинетата материјална штета првично се проценува на 20 илјади денари.
Половина час подоцна, но на автопатот Тетово - Гостивар во близина на клучката за Камњане, патничко возило „Пасат“, со гостиварски таблички управувано од гостиварецот Ј.А.(52) исто така удрило и усмртило куче-скитник. Возачот и сопатничката во возилото поминале без повреди, а според првичната проценка причинетата материјална штета изнесува 50 илјади денари.
Поради зачестените сообраќајни несреќи предизвикани од животни, претежно кучиња, особено на автопатот Гостивар - Тетово - Скопје, СВР Тетово уште еднаш апелира до возачите да бидат крајно внимателни во вечерните часови но и воопшто.
Покрај тоа, до надлежните за одржување на автопатот се апелира да ги преземат сите неопходни мерки за негово квалитетно обезбедување со што ќе се спречи и оневоможи неконтролирано влегување и движење на животните и загрозување на вкупната сообраќајна безбедност на сите учесници, рече Јосифовски.
Ново на Сител
-
Израелската армија изврши најмалку осум воздушни напади врз Бејрут
-
Украина загрижена поради наводите дека Северна Кореја и со војници ќе ја поддржи Русија
-
АХВ: Потврден птичји грип кај угината гуска, убиени 24 патки, 6 гуски, 5 кокошки и една чавка кои биле во зоолошката
-
Силен земјотрес ја погоди Грција
-
Прилеп ќе ги награди пожарникарите со 900 000 денари за пожртвуваноста за справување со големиот пожар во Мариово
-
Мицкоски: До средината на ноември субвенции од над милијарда и триста милиони денари за околу 20 000 земјоделци
-
За небаждарен тахограф на автобус изречена глоба од 3.000 евра за правното лице и 900 евра за одговорното лице
-
Галетановски: Смртоносна бактерија “птичји грип” е најдена во Зоолошка