Две лица загинаа во силна бура во Калифорнија
Во силна бура која ги зафати јужниот и централниот дел на Калифорнија, проследена со ветрови, поројни дождови и големи снежни врнежи, животот го загубија две лица.
Во округот Шерман оукс во околината на Лос Анџелес силниот ветер откорна дрво, кое паднало врз електричен столб. Жиците погодиле еден автомобил, со кој патувал 55-годишен маж и кој починал по струен удар.
Во градот Викторвил поплава ги зафатила неколку возила, кои останале блокирани во водата. Еден од возачите загинал, а друг бил спасен со хеликоптер од покривот на неговиот автомобил.
Во некои реони како мерка на претпазливост биле евакуирани луѓе поради опасност од поплави и лизгање на земјиште. Голем број авионски летови беа откажани или доцнеа на аеродромите во земјата. Само на аеродромот во Лос Анџелес откажани беа над 300 летови. Десетици летови се откажани и на аеродромот во Сан Франциско.
Лизгање на земјиштето и поплави предизвикаа делумно затворање на тихоокеанскиот крајбрежен автопат.
Во реонот на Лос Анџелес 100.000 луѓе останаа без електрична енергија, а силните ветрови во Санта Барбара корнеа дрвја.
Ново на Сител
-
Малолетничка пријавила дека доктор ја допирал по телото на клиниката „Мајка Тереза“
-
Папата Лав Четиринаесетти ги повика светските сили да ги прекинат сите војни
-
Мицкоски: Следната недела ќе имаме завршна средба со Таравари, Владата е стабилна и фокусирана на проекти
-
Вандали ја саботирале електричната инсталација во штипската модуларна болница
-
Основната плата во државата не може да биде пониска од минималната плата – Независниот синдикат на полицијата утре излегува на протест
-
Трипуновски: Излегуваме во пресрет на земјоделците, ќе ја направиме проценката за да се обноват површините зафатени од невремето
-
Во Скопје синоќа 92 сообраќајни прекршоци, 50 санкционирани возачи на мотоцикл
-
Најмалку 104 лица го загубија животот, а 28 се повредени во поплави во источниот дел на ДР Конго