Две лица повредени во петте вчерашни сообраќајки низ Скопје
Две лица биле полесно повредени во една од вкупно пет сообраќајки случени во текот на вчерашниот ден на подрачјето на СВР Скопје. Во четири сообраќајки била причинета материјална штета.
Од МВР информираат дека вчера сообраќајната полиција открила и санкционирала поголем број прекршоци. Пет возачи се движеле со брзина поголема од дозволената, двајца возачи поминале на крстосница на црвено светло, еден возач не дал првенство на минување на пешаците на обележан пешачки премин, двајца возачи за неправилно престројување, четворица возачи за неправилно престигнување и 12 возачи кои не поседувале пропишана зимска опрема во возилата.
Од сообраќај биле исклучени еден возач кој го управувал возилото под дејство на алкохол, 13 возачи пред да се стекнат со право на управување на моторно возило, еден возач почетник, како и две технички неисправни возила и 10 нерегистрирани возила. Затекнати биле 132 непрописно паркирани возила.
Со помош на специјалното возило пајак, отстранети биле 75 возила.
Денеска Одделението за превенција при СВР Скопје во рамките на сообраќајно воспитниот проект „Да ги заштитиме децата во сообраќајот“ ќе реализира едукативни работилници со ученици од четврто одделение во ООУ „Мирче Ацев“ кое се наоѓа на подрачјето на општина Ѓорче Петров.
Одделението за превенција ќе одржи и посебна воспитна мерка сообраќајна поука на која ќе присуствуваат учесници во сообраќајот кои сториле прекршоци по разни основи во својство на возачи.
Ново на Сител
-
Опожарен стан во Ѓорче Петров, гори ѓубриште во домот „Ранка Милановиќ“
-
Русија осуди тинејџер на 12 години затвор поради испраќање пари на армијата на Киев
-
Радев: На државниот врв на Република Северна Македонија им недостасува познавање на меѓународното право
-
Трипуновски: Ги потпишав сите заостанати договори и документи во Министерството
-
Најмногу дожд наврнал во Охрид
-
На „Табановце“ се чека околу 20 минути за влез во земјава
-
Србија: Го величел напаѓачот пред израелската Амбасада во Белград и признал дека ја поддржува ИД
-
Пожарникари од четири земји и ова лето ќе бидат лоцирани во Грција за да помагаат во гаснењето на пожарите