Дуда: Полска е подготвена на нејзина територија да биде распоредено нуклеарно оружје
Претседателот на Полска, Анджеј Дуда во интервју за полскиот весник „Факт“ изјави дека неговата земја е подготвена на нејзина територија да се распореди нуклеарно оружје ако сојузниците донесат таква одлука.
– Русија сè повеќе ја милитаризира Калининградската област. Сега го префрлуваат своето нуклеарно оружје во Белорусија. Доколку сојузниците одлучат да распоредат нуклеарно оружје во рамките на проектот „нуклеарно споделување“ и да ја зајакнат безбедноста на источното крило на НАТО, ние сме подготвени за тоа, посочи Дуда.
Тој додаде дека доколку Полска постапува одговорно како досега, војната никогаш нема да избие бидејќи секогаш ќе биде доволно силна, за да не вреди некој да ја нападне.
– Русија не може да победи во војната, пред сè, и јас го нагласувам тоа каде и да сум. Мора да се направи сè за Украина да успее да се одбрани. Повторувам, Русија не може да победи и Украина мора да добие безбедносни гаранции, по можност како членка на НАТО. А што се однесува до мировните преговори, само Украина може да одлучи дали сака да ги води или не, наведе Дуда.
Ново на Сител
-
Тема на денот со Панче Тошковски, министер за внатрешни работи
-
Со тупаници нападната скопската градоначалничка Данела Арсовска при увид на дивоградба во Чаир
-
Стартуваат „Златни денови“ во Кратово
-
Интензивно се работи на автопатот Прилеп - Битола, Бехтел и Енка бараат уште околу 400 работници
-
Градоначалничката Арсовска нападната во Чаир
-
Убиениот кај Батинци е припадник на АРМ - имал прострелни рани во градниот кош
-
Се одложи судењето за „Онкологија“, обвинета имала стомачен вирус
-
Жељазков бара извинување од Мицкоски, заострена реторика на односите Скопје - Софија