ДСЗИ: Пет лица затруени со храна во гостилницата „ДМ“ во Скопје
Пет лица се затруле со храна во гостилницата „ДМ“ во Скопје, соопшти Државниот санитарен и здравствен инспекторат (ДСЗИ) повикувајќи се на известување од Центарот за јавно здравје-Скопје. Објектот е времено затворен и наложени се санитарно-хигиенски и противепидемиски мерки.
Петте лица со знаци за акутно труење со храна биле примени на Универзитетската клиника за инфективни болести и фебрилни состојби каде им била извршена епидемиолошка анкета.
Државниот санитарен и здравствен инспекторат соопшти дека денеска извршил вонреден инспекциски надзор во Гостилница ДМ, лоцирана на ул. „Орце Николов“, заедно со екипа на Центарот за јавно здравје Скопје и претставници од Агенција за храна и ветеринарство.
Од извршениот вонреден инспекцискиот надзор било констатирана незадоволително одржувана општа хигиенска состојба во објектот и веднаш е извршена превентивна дезинфекција, дезинсекција и дератизација на објектот од овластена установа, согласно закон. Се употребувало наменско дезинфекциско средство за простор и опрема со уреден рок на употреба согласно закон, сите вработени лица имале извршено задолжителен здравствено-хигиенски преглед, согласно закон и правилник, вработените лица во кујна користат заштитна опрема при работа, а сите присутни вработени лица носеле работна облека.
При надзорот се земени брисеви за микробиолошко испитување и тоа од работни површини во кујна и од кујнска опрема, брисеви од нос и грло од присутните шестмина вработени лица, испироци од раце од четворица затекнати вработени лица во кујна и на шанк и пет мостри од храна според епидемиолошкиот увид на медицинската екипа.
Објектот е времено забранет за употреба и ставена е лента, а Државниот санитарен и здравствен инспекторат наложил варосување на објектот, генерално механичко чистење на објектот, вонредна дезинфекција на објектот од овластена здравствена установа и вонредни здравствено хигиенски прегледи на сите вработени лица.
Ново на Сител
-
Претставници на студентите од УКИМ бараат од МОН да се преразгледа бројот на стипендии за студентите
-
Временските услови оптимални за есенска сеидба
-
Комити Запад: Актуелното раководство во целост е неспосбно да води клуб како Вардар
-
МНР му го одзеде дипломатскиот пасош на претседателот на ФФМ Муамед Сејдини
-
ДЗР: Има неправилности во спроведувањето на пописот на залихите и управувањето со Клиниката за радиотерапија и онкологија
-
Без вода делови од улицата „Иван Цанкар“ и трета зона Припор
-
СДСМ: Бојан Христовски е личен избор на Мицкоски - партизацијата на АНБ ја потврди и Таравари
-
ВМРО-ДПМНЕ: Со СДС, АНБ стана партиски штаб, партијата послабо да пие од апчињата за заборавање