Државјаните од земјите на ЕУ годишно даваат 24 милијарди евра за дрога
Државјаните на Европската унија секоја година трошат околу 24 милијарди евра на нелегални дроги, што значи дека трговијата со дрога е една од најпрофитабилните активности на организираните криминални групи, се наведува во денеска објавениот извештај на Европскиот центар за надзор на дрогите и зависностите од дрога (EMCDDA).
Во извештајот се наведува дека појавата на нови технологии, како шифрираните мрежи и дигиталните валути, го отворија пазарот за снабдување со дрога преку Интернет, пренесуваат британските медиуми.
Бидејќи е постигнат технолошки напредок, организираните криминални групи трагаат по нови патишта за криумчарење на дрогите во Европа, се додава во извештајот, во кој се истакнува дека е зголем шверцот на хероин преку јужен Кавказ.
Директорот на Европол, Роб Ванрајт, оценува дека соработката меѓу државите членки на ЕУ е неопходна за да се реши проблемот, бидејќи. истакнува тој, криминалните мрежи вмешани во трговијата со дрога често пати делуваат и во други криминални области.
-Усогласената прекугранична соработка во примена на законите е клучна за намалувањето на нивниот обем и влијание, наведе Ванрајт.
Ново на Сител
-
Трипуновски: Кога ќе одберете домашен производ, вие инвестирате во иднината на нашите села
-
Афазија е нарушување на комуникацијата по мозочен удар - Во земјата има околу 10 000 лица со оваа состојба
-
Шведска поддршка за блатото
-
Се реконструира музејот на вода
-
ВМРО-ДПМНЕ утврди кандидати за градоначалници за претстојните локални избори
-
Тема на денот со Моника Зајкова, претседателка на ЛДП
-
34 лица обвинети за пожарот во кочанската дискотека
-
СДСМ ја поздравува проширената истрага но смета дека е задоцнета