Драмата заврши трагично: По еден месец Златко пронајден мртов

На површина на езерото во Крагуевац, за жал бил пронајден мртов 60-годишниот Златко Павловиќ по кој се трагаше еден месец.

Според податоците на српскиот Курир, лешот на површината на езерото го пронашол чувар: - Чуварот ми се јави во седум наутро да ми каже дека нешто плови во водата, бидејќу ми личело на тело. Веднаш дојдов и го видов татка си. Да не го пронајдев ќе ме прогонуваше оваа слика цел живот, вели синот на покојниот.

Веќе починатиот бил врвен пливач кој целиот живот го поминал во езерото. На кобниот 1 септември бил таму со пријатели, а тогаш се случила трагедија. Рекол дека ќе влезе во водата да го преплива езерото, па го снемало. Алиштата си ги оставил на земја. Сите трагаа по него повеќе од месец.