Доделени првите сертификати од програмата за стручно усовршување за разузнавање и анализа
Во Агенцијата за разузнавање денеска се одржа свечено доделување на сертификатите од првата универзитетска програма за стручно и професионално усовршување за разузнавање и анализа, а воедно и прв курс од ваков тип на Факултетот за безбедност – Скопје и Агенцијата за разузнавање.
На завршувањето на оваа прва универзитетска обука се обратија директорот на Агенцијата за разузнавање Зоран Иванов, деканот на Факултетот за безбедност – Скопје Никола Дујовски и продеканот за наука и развој на Факултетот за безбедност – Скопје Марјан Ѓуровски.
Според Ѓуровски, универзитетскиот курс се одржува во периодот кога се спроведуваат длабоки реформи на безбедносната и разузнавачката заедница и преку овој заеднички проект се придонесува кон департизација на разузнавачката заедница.
– Стратешка цел кон која заеднички се стреми е континуирана едукација на вработените во Агенцијата за разузнавање, како и останатите безбедносни разузнавачки и контраразузнавачки институции, истакнал Ѓуровски.
Директорот на Агенцијата за разузнавање Иванов нагласил дека преку овој проектот се помогна во напредното образование и едукација за разузнавање на вработените во Агенцијата. Со курсот, вработените преку предавањата и вежбите можат да ги препознаваат, осознаваат и откриваат новите закани и предизвици кои, како што рече, не опкружува денешната заедница.
Општа задача која се постигна со универзитетската програма на Факултетот за безбедност-Скопје и Агенцијата за разузнавање, според Дујовски, е што овластени службени лица добија унифицирани знаења од разузнавањето, оперативното окружување и современите трендови со што уште повеќе ќе бидат оспособени успешно да ги поддржуваат задачите и обрските на Агенцијата за разузнавање.
Предавачи на курсот биле професори од Факултетот за безбедност и вработените од Агенцијата за разузнавање и други безбедносни институции. Наставно–образовниот процес се реализира низ предавања, анализи, вежби и практично–применети форми на настава со над 150 часа во изминатите неколку месеци.
Ново на Сител
-
Анчелоти: Нејмар е исклучително важен за нас, тој мора добро да се подготви за Светското првенство
-
Русија казнила 20.000 војници кои одбиле да се борат во Украина
-
Мицкоски: Треба да се провери дали има кривична одговорност за пописот
-
Од есен нова инвестиција од 36 милиони евра во индустриската зона Штип, вработувања за 150 лица
-
УЈП ја започнува дигиталната трансформација на даночниот систем со е-Фактура
-
Во првото тримесечје од годинава, 391 новоевидентирани жртви на насилство во земјава
-
Две лица сакале да му пратат дрога по пошта на затвореник во КП Штип
-
Попладне и вечер облачно со краткотрајен пороен дожд