Балкан
14. January 2022 - 10:32

Додека постои и еден процент шанса да е жив, нуркачите ќе го бараат Матеј Периш

Нуркачите ќе го бараат исчезнатиот Матеј Периш се додека постои и 1 отсто шанса да се засолнил некаде. 

Со денови се трага во Белград, по исчезнатиот 27 годишен Хрват. 

„Ќе бараме напуштени згради покрај реката со најсовремената термичка камера која ни беше дадена како помош. Се додека постои само еден процент шанса тој поради некоја причина да се засолнил во некој од тие објекти, да е жив, ќе го бараме“, изјави за Телеграф нуркачот Игор Јончиќ од Мрежа за опасност на Србија.

Вели дека телата на оние кои се удавиле во текот на зимата кога има низок водостој, обично испливуваат кога нивото на водата на реката се зголемува. По момчето се трага откако почнаа оваа 2022 година.