Македонија
5. May 2019 - 13:45

До 13 часот во Дебар излезеноста 9, во Центар Жупа 7 отсто

Се зголемува процентот на излезеност во општините Дебар и Центар Жупа, но сепак споредено со првиот изборен круг, одржан на 21 април, таа во Дебар е половична, а во Жупа за еден отсто поголема.

Според претседателката на ОИК Дебар, Елмира Бакали до 13 часот правото на глас го оствариле 1.594 лица ил 9 отсто. Пред две недели излезеноста била 18 отсто или правото го искорстиле 3.259 гласачи од вкупно запишаните.

Во општина Центар Жупа од вкупно 6.953 лице со право на глас, гласале 489 лица или 7 отсто. Во првиот круг одѕивот на гласачи бил 6 отсто или правото на глас го искористиле 429 лица.

Изборниот тек и во двете општини минува мирно.Изборите ги следат набљудувачи на МОСТ, а дел од избрачките места се посетени и од набљудувачи на ОБСЕ/ОДИХР.