Дивееше на автопат без возачка дозвола: Осуден убиецот на 3 девојки во Сараево

Советот на Кантоналниот суд во Сараево, со кој претседаваше судијата Хусеин Делалиќ, денеска Алмир Ејубовиќ го осуди на 15 години и 10 месеци затвор поради тешката сообраќајна несреќа во која загинаа 3 девојки.

Алмир Ејубовиќ на 29 јуни, управувајќи БМВ, предизвикал несреќа на автопатот А-1 во која загинаа Ајла Ибрица, Наѓа Нерадин и Лејла Оруч.

Обвинет е за тешко кривично дело против безбедноста во јавниот сообраќај со смртни последици. Тој се товари дека, управувајќи го своето нерегистрирано возило БМВ Х5 без возачка дозвола, со поставени несоодветни и неважечки регистарски таблички, движејќи се од правец на Влаково кон Вогошќанската обиколница возел со брзина од 166 км на час.

Тој тогаш изгубил контрола над возилото и налетал со левата бочна страна на возилото на сообраќаен знак кој означува раздвојување на коловозот, потоа во заштитната метална ограда во должина од околу 15 метри, а потоа налетал и на метален столб.

Во неговото возило загинаа Лејла Оруч, Наѓа Нерадин и Ајла Ибрица, додека тешко повредената Ајла Оруч на 13. јули се разбуди од кома.