Директна авионска линија, бараат тур-операторите од Македонија и Романија
Македонија и Романија да се поврзат со директен, чартер лет на релација Скопје - Букурешт или Крајова - Охрид, бараат тур-операторите од двете земји. Сметаат дека тоа е клучниот чекор за зголемување на бројот туристи, од сегашните 1.500, на околу 30.000 - 40.000.
- Наша цел е романските туристи да ја посетуваат Македонија на ранг на полските и холандските, но за тоа е потребен системски приод и диреткна авио-линија, рече денеска претседателот на Туристичко-угоститилската комора при Сојузот на стопански комори на Македонија (ССК) Аркан Керим по потпишувањето Меморандум за соработка со претседателот на Националниот патронат за туристички агенции во Романија Адриан Станчулеску.
Според Керим, Романија е сериозно заинтересирана да го развива туризмот со Македонија. Романските тур-оператори кои веќе ја имаат вклучено земјава во нивните продажни каталози, детектираат интерес кај Романците за неколкудневен зимски туризам за Македонија, но и за Балканот, како и за летен туризам во Охрид.
И на македонските туристи Романија им е интересна, додаде, но се уште не е доволно популарна.
- Тешко е да се каже колку туристи доаѓаат во Скопје или Охрид, но наша обврска е да ги прикажеме и презентираме убавините на двете страни. Модерниот туризам значи регионализација, а не сведување на локално ниво, истакна Станчулеску.
Керим и Станчулеску го упатија барањето за воспоставување директна авио-линија меѓу Македонија и Романија директно до премиерите на двете земји кои, како што рекоа, задутре треба да имаат средба во Скопје
Ново на Сител
-
ВМРО-ДПМНЕ и Вреди ги продолжуваат разговорите за нова влада
-
Најмалку тројца загинати во експлозија на киоск во Дизелдорф
-
ОЈО Скопје прибавува и анализира докази за Палчо, истрагата за останатите петмина осомничени во завршна фаза
-
Најмалку четворица мигранти загинаа во сообраќајна несреќа во Хрватска
-
Запленети 4,8 килограми злато при влез на ГП Богородица
-
Тече истрагата за убиството на Вања и Панче, првоoсомничениот Палевски во притвор
-
Летна наградна авантура со Веро, 400.000 денари за најсреќниот купувач
-
Мицотакис: Било кое отстапување од Договорот од Преспа ќе има последици и во билатералните односи и на патот на Скопје кон ЕУ