Динамо: АЕК ја користи трагедијата за сопствена промоција
Фудбалскиот клуб Динамо од Загреб уште еднаш денеска ги осуди инцидентите во Атина предизвикани од своите навивачи што резултираа со убиство на еден навивач на домашниот клуб АЕК, но, притоа, истакна дека грчкиот тим со своите настапи бега од одговорност и сака да ја искористи трагедијата за сопствена промоција.
„Динамо повеќе пати јасно, недвосмислено, јавно и жестоко ги осуди инцидентите, кои, за жал, имаа за последица смртен исход. Насилството нема место во цивилизирано општество и секогаш ќе се бориме за вистинските вредности кои ги промовира нашиот клуб, а искрено сакаме да веруваме дека слични погледи споделува и нашиот ривал АЕК“, се наведува во соопштението на клубот од Загреб.
Во судирите меѓу грчки и хрватски навивачи до кои дојде пред натпреварот од третото квалификациско коло во Лигата на шампиони меѓу АЕК и Динамо загина еден навивач на грчкиот клуб, додека осум лица се повредени, од кои тројца посериозно.
Загрепски Динамо во денешното соопштение наведе дека жали поради тоа што „АЕК со своите настапи и однесување бега од одговорност, ги крева тензиите и во официјалните соопштенија користи непримерен, агресивен и подбуцнувачки речник со цел да изврши притисок врз УЕФА“.
Ново на Сител
-
Совети за стомачните грчеви кај бебето
-
35-годишен маж од Тетово си ја заклучувал и тепал сопругата
-
Захарова: Западот бара излез од економската криза преку агресија и војни
-
Инзаги: Прво би ја забележал играта на Интер, не резултатот
-
Горивата поевтинуваат од два до 2,5 денари за литар
-
Во близина на семејната куќа во село Ореше пронајден мртов 60-годишен маж
-
Кривична пријава за едно физичко и две службени лица поради проневера во службата
-
Вкупно 895 сообраќајни прекршоци вчера на територија на цела држава, 273 за брзо возење