Димковски: Исплатени 607 милиони денари субвенции за сточарите
Вкупно 607 милиони денари легнаа на сметките на 3.213 сточари, одгледувачи на овци, соопшти денеска министерот за земјоделство, шумарство и водостопанство, Трајан Димковски.
По посетата на сточарска фарма во битолското село Дихово, Димковски изјави дека во наредниот период ќе продолжи исплатата на субвенции според планираната динамика.
-Ова е уште една потврда дека субвенциите се исплаќаат навреме и неселективно. Се надевам дека сточарите средствата од субвенциите ќе ги искористат за набавка на нови грла, за производствена опрема и за сé што е потребно за да го развиваат сточарството, истакна Димковски.
Директорот на Платежната агенција, Николче Бабовски рече дека до денеска во агро секторот се реализирани над 381, 6 милиони евра, средства кои во ниту еден претходен мандат не биле исплатени.
Министерот Димковски, директорот Бабовски и градоначалникот на Битола, Наташа Петровска ја посетија сточарската фарма на Никола Ѓоргиев,претседател на Сојузот на одгледувачи на овци кој информираше за соработката и комуникацијата со МЗШВ.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка