Димитров: Регионот има шанса за видлив прогрес во евроинтеграцијата
Министерот за надворешни работи Никола Димитров денеска на Блед на состанокот на Процесот за соработка во Југоисточна Европа ја нагласи важноста од политиката на пријателство, добрососедство и соработка во контекст на европската интеграција.
- Во следната година и половина, регионот има шанса да направи видлив прогрес во европските интеграции. За да ја искористиме, треба да работиме на реформите дома и да инвестираме во добрососедски односи меѓу нас. Ни претстои период на можности и перспективи. Ние мора да демонстрираме посветеност на реформската агенда и на неопходноста од регионална интеракција и соработка. Но, истовремено ние мораме да демонстрираме сопственост врз процесите и подготвеност самите да надминуваме отворени прашања и предизвици. Во актуелниот регионален контекст, „големата слика" е од извонредно значење, нагласи шефот на македонската дипломатија.
Во фокусот на денешниот состанок на Процесот за соработка во Југоисточна Европа (ПСЈИУ) беа политиката на проширување на ЕУ, регионалната соработка и потребата од инфраструктурно поврзување.
Министерот Димитров учествуваше и на првиот министерски состанок на кој се инаугурираше Фондот за Западен Балкан.
Ново на Сител
-
Детали за кражбата на сефот во скопско Црниче: 23-годишник е еден од осомничените
-
ЦУК: Изминатото деноноќие 1 709 повици на 112, нема пожари на отворено
-
Израел изведе напади на југот на Сирија
-
МОН ги известило училиштата неработните денови да бидат одработени во саботи
-
Точно 353 балерини го соборија рекордот во „бурè“ танц на прсти
-
„Гугл мапс“ ќе може да го посочува најблискиот полнач за електромобили
-
ЕП: Ракометарките против Шведска, Унгарија и Турција
-
УЕФА ја казни Барселона