Димитров и Бектеши на министерска конференција за Западен Балкан во Стокхолм
Министрите за надворешни работи и за економија Никола Димитров и Крешник Бектеши денеска ќе престојуваат во Стокхолм, Шведска каде ќе учествуваат на министерската конференција за Западен Балкан.
Министерот Димитров за време на престојот во Стокхолм ќе се сретне со министерката за надворешни работи на Кралството Шведска, Маргот Валстром и со претседателот на шведскиот Парламент, Андреас Норлен.
Воедно, Димитров ќе учествува на министерската конференција за Западен Балкан, каде ќе се обрати на панел-дискусијата посветена на случувањата во земјите од регионот на Западен Балкан, со фокус на нивната ЕУ перспектива.
Министерската конференција на високо ниво во Стокхолм е во организација на Министерството за надворешни работи на Кралството Шведска и Европската комисија.
На министерската конференција, од страна на министерот за економија Крешник Бектеши ќе бидат претставени стратешките проекти и можности за инвестирање во Република Северна Македонија пред шведската бизнис заедница, со посебен фокус на ЕУ интеграцијата.
Ново на Сител
-
Пукање на автопатот Тетово - Скопје
-
Рибочуварка на Тиквешко Езеро физички нападната од три лица
-
Во Атина уапсени две лица кои пуштале во продажба ковид тестови и медицински маски со изменет рок
-
Фамелос: Ратификацијата на меморандумите ќе ја унапредеше соработката
-
Викендов променливо облачно, наместа нестабилно со дожд и грмежи
-
Амбасада на САД во Сараево: Додик е на опасен пат, „раздружувањето“ на БиХ значи крај на РС
-
На ГП Табановце влегле и излегле над 18.000, на ГП Богородица скоро 16.000 патници од 10 вчера до 10 утрово
-
Џафери: Значењето на светите браќа Кирил и Методиј е безвременско и обврзувачко, секој да го најде патот и да се вложи во напредокот