ДИК обезбеди средства за одблокирање на жиро сметките на 10 изборни комисии

Државната изборна комисија (ДИК) во пресрет на одржувањето на вториот круг од локалните избори со одлука им додели вкупно 538.000 денари на 10 општински изборни комисии кои имаа блокира жиро сметки. 

Со одлуката, објавена на веб-страната на ДИК, овие средства се одобруваат за тековни трошоци за спроведување на изборите. Парите се обезбедуваат од редовната сметка на ДИК за изборни активности. 

Средства се одобрени за општинските изборни комисии во Струга, Тетово, Брвеница, Градско, Зрновци, Боговиње, Карбинци, Долнени, Старо Нагоричане и Чашка.