-->
-->
ДИК ја соопшти излезноста до 13 часот
-->

Државната изборна комисија известува дека на избирачкото место број 2011 во Теарце, од запишани 714 избирачи, до 13 часот на гласање излегле 252, или 35.29%.
До 10 часот, според Државната изборна комисија (ДИК), на гласање излегле 76 од запишани 714 избирачи, или 10.64 отсто.
– Гласањето се одвива мирно и без проблеми. До 11:30 часот излезеноста е околу 150 лица, од вкупно запишаните 714 на Избирачкиот список и споредбено со изборите на 11 декември во истиот временски период е нешто поголема, изјави Татијана Чуприна, заменик-претседателка на Избирачкото место 2011 во ОУ „Кирил Пејчиновиќ“ во Теарце, за излезноста околу пладне.
Чуприна рече дека околу 8 часот и 30 минути бил утврден мал проблем со УВ-ламбите поради што имало петнаесетминутен прекин за што била известена Општинската изборна комисија (ОИК). Биле донесени две други УВ-ламби по што гласањето продолжило.
На гласачкото место се и набљудувачи од политички партии и од невладини организации, забележително е и присуство на припадници на полицијата.
Следниот податок за излезност на гласачите ДИК ќе го соопшти по 17 ч.
ДИК донесе одлука да се повтори гласањето на ова избирачко место врз основа на симулацијата со која се покажа дека прегласувањето може да влијае на бројот на освоени мандати, и врз основа на одлуката на Управниот суд да ја прифати тужбата на Коалицијата предводена од СДСМ и да донесе решение за поништување на гласањето на ова избирачко место.
-->
-->
-->
Ново на Сител
-
Нови учебници, интегрирање на вештачката интелигенција, воведување целодневна настава, најавува министерката Јаневска
-
Притвор за 53-годишник осомничен за продажба на кокаин во Велес
-
Вучиќ со порака од Одеса: Србија сака да обнови еден или два града или помал регион во Украина
-
Внука со нож се обидела да ги убие сопствените баба и дедо во Битола
-
Скалони за ремито со Колумбија: Беше добар тест
-
Кулибали по победата над Англија: Ова е историски момент за Сенегал
-
Нова сезона на АТЛ започнува од Охрид
-
Советот на Европа ја повика Словенија да го признае хрватскиот јазик како малцински јазик во земјата