Дигиталниот самит продолжива со дебата за борбата со лажни вести
Дебата „Медиумите во дигиталната ера: Борба со лажните вести“, како и министерска тркалезна маса „Дигитализацијата на Западен Балкан-чекор напред“ се на агендата на вториот ден од Дигиталниот самит за Западен Балкан, што од вчера се одржува во Скопје.
На самитот денеска ќе има панели и на други теми, а ќе биде заокружен со заедничка декларација.
Продолжуваат и активностите на Саемот на ИТ фирми, што се одржува паралелно со Самитот. Водечки домашни и меѓународни компании ги претставуваат најновите услуги, иновативни идеи, разменуваат искуства и склучуваат партнерства за соработка.
На отворањето на Самитот вчера беа упатени пораки за искористување на можностите од дигиталната трансформација и дигитално интегрирање на регионот на Западен Балкан во ЕУ пред тоа да се случи на политички план.
Како што најави еврокомесарката за дигитално општество Марија Габриел, веќе се работи на дигиталната агенда за Западен Балкан која како дел од стратегијата на ЕУ, ќе биде претставена на Самитот што ќе се одржи на 17 мај во Софија.
Тогаш, според најавите, ќе се дефинираат и поконкретни работи околу намалувањето на цената на роамингот на Западен Балкан со ЕУ.
Ново на Сител
-
Гордана Сиљановска Давкова и официјално претседател на државата, ДИК објави конечност на изборните резултати
-
Партијата на пензионери ја честита изборната победа на Коалицијата „Твоја Македонија“
-
ДИК треба да објави конечност на резултатите од претседателските избори и потоа да достави извештај до Собранието
-
ЕК: Србија и Косово ризикуваат да ги пропуштат средствата од Планот за раст поради недостиг од дијалог
-
Белата куќа „загрижена“ за Рафа, но се уште не гледа „голема“ израелска операција
-
Сообраќајот на државните патишта се одвива непречено
-
Променливо облачно и потопло со сончеви периоди
-
ВМРО-ДПМНЕ демантира дека разговара за ресори и поделба на власта со „Вреди“