Девојка од Охрид нова жртва од грип во Македонија
25 годишна девојка од Охрид завчера починала на КАРИЛ поради компликации од свински грип. Пациентката на Клиниката за анестезија и реанимација била 10 дена поради други заболувања. Ова е втор смртен случај од вирусот за три дена. Во вторникот на Клиниката за детски болести почина и петгодишно дете кое било во тешка состојба, а претходно го лекувале во болницата во Козле од воспаление на белите дробови.
-И двата случаи се со коморбидитет. За детето утврдивме дека имало астма а девојката на КАРИЛ што почина била со Даунов синдром. Починале поради тешко оштетување на белите дробови и црниот дроб, изјави Жарко Караџовски, епдиемиолог во ИЈЗ.
Состојбата со грип станува алармантна и за 7 дена има над 1700 заболени, што е трипати повеќе од претходната недела. Епидемиолозите велат дека веќе е зафатена и школската популација а во лабораторијата на ИЈЗ најмногу потврдени случаи има од АХ1Н1, односно свински грип. Од Комисијата за заразни болести упатиле известување до здравствените установи да обезбедат тамифлу, кој треба да го даваат на пациенти кај кои за 24 часа нема подобрување на состојбата.
-Помислата дека грипот заврши не е точна. Очекуваме бројот на заболени да расте како и во цела средна Европа и тоа од типот Х1Н1. Лани имавме тип Б, сега од него нема ни трага така да оние кои не прележале свински грип сега имаат големи шанси да заболат и да дојде до потешки компликации. А тоа е воспаление на белите дробови, на синусите и на мозокот, вели Караџовски.
Од последните регистрирани 1752 заболени, повеќе од илјада се од Тетово и Гостивар. Инаку во земјите од регионот има голем број на смртни случаи како последица од грипот.
Сања Димитровска, Сител ТВ
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп