Детски ликовен камп „АСНОМ“ во Пелинце
Триесеттина ученици од основните училишта и претставници на двата центри за лица со интелектуална попречност во Куманово изработија околу сто дела во различни ликовни техники на традиционалниот осми по ред Детски ликовен камп „АСНОМ“, што се одржува во Пелинце.
Манифестацијата и годинава се одржува во организација на Фондацијата за култура и спорт и Секторот за култура од општина Куманово. Претставници на локалната власт на денешното затворање на детскиот ликовен камп им доделија признанија на учесниците за нивното учество во кампот.
Директорот на Фондацијата за култура и спорт, Нино Величковски информираше дека кампот траел четири дена, а младите уметници се обучувале за различни ликовни техники.
- Оваа манифестација има за цел да го поттикне уметничкиот дух и креативноста кај децата, затоа и секоја година е се популарен овој камп, а тоа го покажува и бројката на учениците на овој камп, рече секретарот на општина Куманово, Десанка Стошевска.
Учениците изработиле графика, скулптура, слика и поп арт и покажале соодветни знаења, вели професорот по ликовна уметност, Симона Јакимовска.
Учениците истакнаа дека ова е одлична можност да се едуцираат, а дел од нив веќе се определиле дека ќе продолжат со образованието во оваа насока. Уметничките дела создадени на ликовниот камп во Пелинце ќе бидат подарени на регионалниот центар „Порака наша“.
Ново на Сител
-
Болните, затворениците и лицата во старските домови први гласаат на двојните избори
-
Акредитирани 1078 домашни и 770 странски набљудувачи за изборите на 8 мај
-
Израел испраќа делегација на преговорите и ги продолжува операциите во Рафа за да изврши воен притисок врз Палестинците
-
Одбележување на Денот на полицијата, посебен сообраќаен режим во општина Аеродром
-
Стано: Амбасадорите на ЕУ, САД, Германија, Велика Британија, Балтичките земји, нема да присуствуваат на инаугурацијата на Путин
-
Сообраќајот непречено, по претежно суви коловози
-
Сончево и топло со мала до умерена облачност
-
Приведени две лица во Чашка за поткуп при избори