Детектор анкета: Две третини од граѓаните се за членство на Македонија во ЕУ
Близу две третини од граѓаните би гласале позитивно доколку утре се одржи референдум за влез на Македонија во Европската Унија. Вакви резултати дава најновото истражување на јавното мислење кое за Детектор го спроведе Институтот за политички истражувања Скопје. Според него, 65,5% од анкетираните на референдум би гласале за членство во Европската Унија, а 17,2% би се изјасниле против.
Во споредба со истражувањето кое Институтот за политички истражувања Скопје го спроведе за Детектор во септември минатата година се бележи благо намалување на граѓаните кои даваат поддршка за членство во ЕУ.
Па така, од 67,4% септември лани, бројот на поддржувачи на членството на земјава во ЕУ се намалил на 65,5%. Кај противниците нема некоја поголема разлика, бидејќи од септември до февруари, бројот на противници на членството на земјава во ЕУ се намалил за само 0,1 процентен поен .
Анкетата на Институтот за политички истражувања Скопје по нарачка на Детектор е спроведена во периодот од 28 до 31 јануари врз репрезентативен примерок од 1083 испитаници.
Ново на Сител
-
Објавени правилата на дебатата меѓу Бајден и Трамп, која ќе се одржи на 27 јуни
-
Фидан: Мировниот предлог на Путин е трошка надеж
-
Голем шумски пожар северно од Лос Анџелес, издадена наредба за евакуација
-
Честитка од претседателот на ВМРО-ДПМНЕ Христијан Мицкоски по повод празникот Курбан Бајрам
-
Обвинети во притворен центар во Русија зеде двајца полицајци како заложници
-
Најмалку 10 луѓе, меѓу кои и деца, се застрелани во приградски воден парк во областа Детроит
-
Сончево и топло со локална облачност, температура до 35 степени
-
Сиљановска Давкова ќе се обрати на Самитот за мир во Украина, што се одржува во Бургеншток, Швајцарија