Десетина цркви во САД ги штитат мигрантите од депортација
Десетина цркви во Лос Анџелес се прогласија како засолниште за семејствата на мигрантите пред почетокот на депортацијата, што ја најави американскиот претседател Доналд Трамп.
Гилермо Торес од организацијата „Свештенство и лаици за економска правда” изјави дека станува збор за најголем број цркви вклучени во заштита на мигрантите.
Трамп најави дека почнува депортацијата на околу 2.000 луѓе во поголемите градови на САД, вклучувајќи го и Лос Анџелес.
Торес рече дека засега нема информации за апсења.
Свештеникот Фред Морис рече дека депортацијата предизвика паника во заедницата. Тој додаде дека на мигрантите им порачал да не ги отвораат вратите и да не одговараат на прашања доколку не дојдат федерални агенти.
Во текот на вчерашниот ден неколку илјади демонстранти се собраа во центарот на Чикаго против имиграциската политика на Трамп.
Демонстрантите носеле транспаренти на кои пишувало „Не деца во кафез“ и „Укинете ја Агенцијата за имиграција“.
Портпаролот на полицијата Ентони Гуглеми изјави дека протестот поминал мирно и ниту еден од учесниците не е приведен.
Според проценките на полицијата, на протестот учествувале околу 5.000 луѓе.
Слични собири се одржани и во други градови на САД, а во Феникс полицијата уапсила 16 лица.
Ново на Сител
-
Втор круг од парламентарните избори во Франција, се предвидува релативна победа на десницата
-
На ГП Табановце за влез и излез од државата се чека по околу половина час
-
Зеќирија Ибрахими е нов претседател на Алтернатива избран на вонредниот конгрес во Куманово
-
Кратово блесна во полн сјај на првата фестивалска вечер од ЗЛАТНИ ДЕНОВИ КРАТОВО 2024 | ФОТО
-
МВР го барала да го уапси, а тој пробал да лета преку аеродромот во Скопје
-
Повреден германски параглајдерист - Летал над Крушево
-
ДКСК: Го следиме именувањето на в.д. директори во државните институции, ќе реагираме ако има неправилности
-
Даути избрана за генерален, а Јајага за организациски секретар на АА