Десетици руски детски градинки на Далечниот Исток се евакуирани поради закана од подметнати бомби
Во рускиот град Владивосток се евакуирани 10 детски градинки поради добиени анонимни дојави за опасност од експлозии, пренесе Тасс, цитирајќи ја прес службата на градоначалникот.
Претходно информации за подметнати експлозивни направи беа добиени и во 29 други детски градинки во градот Хабаровск, каде се евакуираат над 5.600 деца.
Слични закани биле упатени и во сите детски градинки во Комсомолск, на Амур, пренесоа агенциите. Пет детски градинки се евакуирани и во градот Благовешченск, по информациите дека се „минирани”, пренесе Тасс.
Органите на реда ги проверуваат објектите. „Денеска овие објекти и немаат многу деца поради снежната виулица, но ние, сепак, ги информиравме родителите за да можат да си ги земат“, прецизира канцеларијата на градоначалникот. Децата и учителите се евакуирани во други објекти во непосредна близина.
Во Владивосток во моментов има виулица и врне снег. Температурата на воздухот е около 10 степени под нулата, јавува Тасс.
Од декември минатата година до сега се примени неколку масовни предупредувања за подметнати бомби во училишта, универзитети и детски градинки во Амурската област, Приморскиот и Хабаровскиот крај и други региони на рускиот Далечен Исток што го нарушија процесот на работа на стотици училишни зданија. Ниту едно од предупредувањата досега не се потврди, забележува Тасс.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп