Денеска променливо време, од утре сончево и потопло

Претпладне во југозападните делови на земјава ќе има повремен дожд. Во останатите делови ќе биде сончево со мала до умерена облачност. Ќе дува слаб до умерен променлив ветер.

Утринската температура ќе се движи од минус 1 до 6, а дневната од  10 до 18 степени.

Во Скопје сончево со мала до умерена облачност и со слаб североисточен ветер. Утринската температура ќе се спушти до 4, а дневната ќе достигне до 17 степени.

Следува период на претежно сончево и се потопло време. Најтопло ќе биде за време на викендот, иако во сабота ќе дува умерен до засилен југозападен ветер. Од почетокот на следната недела ќе има услови за појава на краткотраен попладневен пороен дожд.