Делчевец без причина истепал 4-годишно дете, ниту братот ниту снаата не успеале да го спречат

Вчера година во ПС Делчево, С.М. пријавил дека неговиот четиригодишен син околу 18.00 часот во Делчево на месноста викана „Голем рид“, над игралиштето во населбата.Стрелиште, без повод и причина физички бил нападнат од лицето А.А.. Според пријавителот, неговиот син заедно со други деца седеле на наведеното место.

 

Во наведеното време дошол А.А. и почнал да го удира детето, по што му ја свиткал раката, а го удирал и по грбот. Тогаш дошол Ј.А., братот на А.А., и за момент успеал да го фати и спречи А.А. во нападот, но овој се отргнал и повторно почнал да го удира детето.

 

Дошла и сопругата на Ј.А. и на висок тон се обратила кон А.А. да престане да го тепа детето, по што започнала расправија помеѓу браќата Ј.А. и А.А.

 

ПС Делчево презема мерки и активности за целосно расветлување и документирање на настанот.