Дејвид Камерон формира работна група за истрага на „Панамските документи“

Британскиот премиер Дејвид Камерон најави формирање на работна група за истрага на откриените „Панамски документи“, кои предизвикаа политички проблеми и за него.

- Работната група ќе ги опфати најдобрите британски експерти, кои ќе се заземат за откривање на сите можни прекршоци во рамки на „Панамските документи“, се наведува во соопштението на Камерон.

Во групата ќе учествуваат агенти на британските даночни служби, на Националната агенција за борба против криминалот, а ќе бидат поддржани од Службата за борба против финансиски измами и од финансиската контролна служба.

За започнување на работата на групата ќе бидат одвоени 10 милиони фунти.